梁漢文張慧儀王敏奕合演ViuTV新劇　《假設性無罪》破格以職場性騷擾為題材

ViuTV新劇《假設性無罪》將於下星期四（10月3日）起，逢周一至五晚上9時30分播放，,硬撼對家《金宵大廈》。劇集以職場性騷擾為題材，破格大膽，揭示職場不良文化。

《假設性無罪》以一間充斥著性騷擾及以性別優勢獲取工作機會的設計公司Fly Mind為背景，劇集甫以一宗羅生門事件作開端，講述林梓慧（王敏奕飾）指控遭上司何英傑（梁漢文飾）性侵犯，雙方各執一辭。終發現原來林梓慧加入公司另有企圖。

主角梁漢文飾演一位事業得意、家庭美滿的「100分男人」，完美背後竟周旋在多位女性之間，其中一位便是張慧儀。梁漢文與張慧儀早於節目《美女廚房》結緣，相隔13年，二人終於首度合作拍劇。

梁漢文指劇中與慧儀有多場辦公室對壘場口：「我哋戲入面好多人性勾心鬥角，呢個要大家磨合，始終啱啱起步，大家都要時間去夾夾火花！呢套劇感情線好複雜，所以一埋位都要提自己同佢有冇感情線！」

張慧儀演實幹型事業女性，內裡對性充滿渴求，角色甚有挑戰性。她表示很喜歡這個角色，更明言願望成真：「因為我上年放風話想要一個有挑戰性的角色，佢地問我係咩，我就話做OL，點知今年真係收到邀請，加上未做過女強人呢類角色，真係好大挑戰！」

慧儀回憶起與多位演員曾合作，默契十足：「今次呢套劇好多人都合作過，梁漢文就《美女廚房》合作過、王敏奕就喺另一部劇、同陳子豐就拍過網劇、樓南光就喺《真情》日見夜見！」

剛「升呢」為人妻的王敏奕與梁漢文亦有大量對手戲，當中更有大膽激情戲。王敏奕指自己盡力「引誘」梁漢文，但笑言不敢越級挑戰慧儀姐：「好明顯我盡晒力啦！希望梁漢文都滿意我表現，雖然佢係我前輩，不過第一日已經令我冇壓力，大家都好投入！」